நாம் உண்ணும் உணவும்
அந்த உணவை உண்ணும் முறைகளும் ரொம்பவே நம் வாழ்க்கையை பாதிக்கின்றன. இன்னும் சொல்லப்
போனால் அவைதான் நம் வாழ்க்கையை நிர்ணயிக்கின்றன. ரொம்ப சீரியஸாய் சிந்திக்கிற மேட்டர்தான்
இது.
உணவைத் தேர்ந்தெடுத்தல்
உணவைத் தேர்ந்தெடுத்தலும்,
அவைகளை சமைக்கும் முறைகளும், சாப்பிடும் அளவும், சாப்பிடும் நேரங்களும் மிகவும் முக்கியமானவையாகும்.
இவைகளில் அலட்சியம் கூடவே கூடாது.
1. சரிவிகித உணவைத் தேர்ந்தெடுங்கள். உப்பும்,
உரைப்பும், எண்ணெயும், இனிப்பும் மிகுந்த உணவுகளை தவிர்த்து விடுங்கள். அல்லது கூடிய
மட்டும் குறைத்து விடுங்கள்.
2. பச்சையான இலையுள்ள காய்கறிகள் மிகுந்த சத்துள்ளவை.
உடலைப் பராமரிப்பதில் மிகுந்த வல்லமை உடையவை. கரும் பச்சை நிற காய்கறிகள் மிகுந்த ஊட்டச்சத்து
மிக்கவையாகும். மேலும் அவை கொழுப்புச் சத்துக் குறைந்தவை.
உணவைத்
தயாரித்தல்
1.
பொதுவாக
காய்கறிகள் நீரில் கரையக் கூடிய விட்டமின்களை மிகுதியாகக் கொண்டவை. ஆகவே காய்கறிகளை
அதிக நேரம் தண்ணீரில் போட்டு வைக்காதீர்கள். அதிக நேரம் தண்ணீரில் அலசவும் செய்யாதீர்கள்.
அதிலும் வெந்நீரில் அலசிவிடாதீர்கள். பெரும்பாலான ஊட்டச்சத்துக்கள் அழிந்து விடும்
அபாயம் இருக்கிறது.. குளிர்ந்த நீரிலேயே அலசுங்கள்.
2.
இரண்டாவதாக
காய்கறிகளை அதிக நேரம் பொறிக்காதீர்கள் அல்லது வறுக்காதீர்கள். அதாவது எண்ணெயில் போட்டு
அதிக நேரம் வறுப்பதால் அல்லது பொறிப்பதால் விட்டமின்கள் A, D, E and K ஆகியவை அழிந்து
விடும் அபாயம் இருக்கிறது. மேலும் மிகுந்த சத்துள்ள ஒமேகா 3 அமிலமும் அழிந்து விடும
அபாயம் உண்டு. ஆகவே கொஞ்சமாக எண்ணெய் சேர்த்து கொஞ்ச நேரம் மட்டும் வறுங்கள். அல்லது
பொறியுங்கள். ஊட்டச் சத்துக்களை காத்துக்கொள்ளுங்கள். கூடிய மட்டும் பொறிக்காமல் வேக
வைத்தும் அல்லது வெறுமனேயும் காய்கறிகளை சாப்பிட்டு பழகினால் ரொம்ப நல்லது.
3.
உணவை
அடிக்கடி சூடுபடுத்துங்கள். ஏனென்றால் ஒரு தடவை சூடுபடுத்தும்போது பாக்டீரியாக்களும்
கிருமிகளும் அழிந்துவிட்டாலும், உணவு குளிர்ந்து விட்டால் நேரமாகி விட்டால் மறுபடியும்
பாக்டீரியாக்கள் உருவாகி விடுகின்றன. ஆகவே உணவு உண்ணும் முன்பு சூடுபடுத்தியே உண்ணுங்கள்.
உணவை
உண்ணுதல்
1.
உணவை
கூடிய மட்டும் நன்றாக மென்று உண்ணுங்கள். நாம் ஒவ்வொரு முறை மெல்லும்போதும் பரோட்டின்
(Parotin) என்ற ஹார்மோன் சுரக்கிறது. இது உடல் மற்றும் முகம் வயதாவதை தடுக்கும் ஹார்மோனாகும்.
ஆகவே உணவை நன்றாக மென்று உண்டால் சீக்கிரம் முதுமையாவதையும் தடுக்கலாம். இளமைத் தோற்றமும்
பெறலாம் இயற்கையான எளிமையான முறையில். இதை என்றுமே மறந்துவிடாதீர்கள். மேலும் நன்றாக மென்று உண்ணும்போது நம் எச்சிலும்
உணவுடன் கலந்து உணவை சீக்கிரம் நொதிக்கச் செய்து சீரணம் ஆகி உடலுக்கு நன்மை விளைகிறது.
சீரணம் வயிற்றில் அல்ல வாயில்தான் முதலில் ஆரம்பிக்கிறது என்பதை ஒருநாளும் மறந்துவிடாதீர்கள்.
இவ்வாறு
உணவை தேர்ந்தெடுத்து நன்றாக உண்ணும் முறைகளை பின்பற்றினால நூறாண்டு வாழலாம். அல்லது
மரணம் வரும் வரை வியாதியின்றி நிம்மதியாக வாழலாம்.
வாழ்க
நலமுடன்…!
.
Tweet | |||||
பல தகவல்களை பின்பற்ற வேண்டும்... நன்றி...
ReplyDeleteசரியான உணவை சரியாகச் சமைத்து சரியாக உண்டால் எல்லாமே சரியாக இருக்கும்!
ReplyDeleteஅருமை துரை டேனியல்
நல்ல குறிப்புகள். பகிர்ந்து கொண்டதற்கு நன்றி நண்பரே....
ReplyDeleteத.ம. +1