சந்திப்பு

இரு விதைகளை விதைத்தேன்

ஆழத்திலும் ஆழமில்லாமலும்

ஒன்று முளைத்தது

ஒன்று துளைத்தது

இரண்டும் சந்தித்தபோதோ

பிணம் மிதந்தது




.

	Tweet

நான் நானாகவே

இன்னும் இருட்ட வில்லை

ஆனாலும் தூங்கச் சொல்கிறீர்கள்       

இன்னும் விடியவில்லை

ஆனாலும் பூபாளம் பாடச் சொல்கிறீர்கள்

இன்னும் பூக்கவில்லை

ஆனாலும் பறிக்கச் சொல்கிறீர்கள்

நானாக நீங்கள் மாற

எப்போதும் முயற்சிகள் ஏன்?

நான்

நானாகவே

இருந்துவிடுகிறேனே?



.

	Tweet

போதி மரம்

ஆவென்று திறக்கும்
அந்த
ஏழைச் சிறுவனின்
வாய்க்குள் தெரிகிறது
பசியும் வாழ்க்கையும்



.

	Tweet

என் மவுனங்கள்தான்
உங்கள் வார்த்தை யுத்தங்களை
உடைக்கும் ஆயுதம்

என் பொறுமைதான்
உங்கள் கோபத்தை சிதறடிக்கும்
அணுகுண்டு

என் அமைதிதான்
உங்கள் சலசலப்புகளை துடைத்துப்போடும்
ஜலப்பிரளயம்


இனி
என் வானத்தில்
இருளில்லை
காரணம்
அங்கே
இரவே இல்லை



.

	Tweet

முகமூடிகள் அழுக்கானவை

போட்டுக்கொள்ள
ஏராளம் முகமூடிகள் இருந்தாலும்
முகமூடிகள் தேவையில்லை

முகமுடையவனாகவே இரு
முகமூடிகள்
வலிக்கும்
உடைக்கும்
பிளக்கும்

உன் பூக்களை கொய்து
பந்தங்களை பற்ற வைக்கும்
சொக்கப்பனையாய் சுட்டெரிக்கும்
வேரறுந்து விழவைக்கும்

முகங்களுக்காக முகமூடிகள் என்றால்
பரவாயில்லை
முகமூடிகளுக்காக முகங்கள் என்றால்

வேண்டாம்
முகமுடையவனாகவே இரு
முகமூடிகள் அழுக்கானவை


.

	Tweet