ஓ துறவிகளே!

ஓ துறவிகளே!
மீசையைத் துறக்கச் சொன்னீர்கள்
துறந்துவிட்டோம்
உள்ளே முளைத்திருக்கிற
இந்த
ஆசையை
என்ன செய்வது?

உடையை மாற்றச் சொன்னீர்கள்
மாற்றி விட்டோம்
உள்ளே மறைந்திருக்கிற
இந்த
படையை
என்ன செய்வது?

வெளியே மட்டுமல்ல
உள்ளேயும் போராடி போராடி
ஓய்ந்துவிட்டோம்

ஒன்று
போர் ஓயட்டும்
இல்லை
உங்கள் பிரசங்கம் ஓயட்டும்!



.

	Tweet

மனக் கழுதை

வேங்கையைப் போல்
சீறி எழ நினைத்த
என் மனக் கழுதை
ஓரமாய் படுத்துக்கொண்டது
தெருநாயைப்போல.



.

	Tweet

சிலந்திப் பாடம்

வெடித்துக் கிளம்பும்
புத்தகப் புழுக்களை
அப்படியே சாப்பிடுவதா
பொறித்துச் சாப்பிடுவதா
குழம்பியபடியே
கிறங்கிப் போய்
வேதாளம் போல்
சுற்றியதில்
சுவரெங்கும் ஓவியங்கள்

சுற்றிச் சுற்றி
தலைகீழாய் கவிழ்ந்தபோது
சிலந்திப் பாடம் படித்து
சீறிட்டெழுந்தேன்
நாகமாய்....!

	Tweet

ஏக்க கனவு

ஒரு எண்ணச் சுழல்
சுழன்று சுழன்று அடித்த வலியில்

சுருண்டு கொண்டது
மூளைப் பாம்பு

விதி வலியதென்று
தேற்ற முயன்ற கைகளுக்கு

வராதேயென கட்டளையிட்டது
கண்கள்

பீறிட்டெழும் வெள்ளச்சிதறலில்
கரைந்தது
அந்த
ஏக்கக் கனவு.




.

	Tweet