சந்தைக்கு வந்த பூக்கள்

(என்னைப் பாதித்த ஒரு இளைஞனின் வாழ்க்கையினால் இக்கவிதைப்பூ மலர்ந்தது. அந்த இளைஞனின் மனோநிலையிலிருந்து எழுதினேன்.. மாற்றம் வந்தால் சரி.)




மாலினிக்கு நாலு வருஷம்
மாலாவுக்கு அஞ்சு வருஷம்
கோமதிக்கு கொஞ்சம் அதிகம்
ஏழு வருஷம்
கொடுத்து கொடுத்து
வேய்ந்த கூரையில்
பிய்ந்த ஓலைகளாய்
பாதி வாழ்க்கை முடிந்தாயிற்று
நான் பூத்த கருப்பையில்
என்னுடன் பூத்த
பெண் பூக்கள் மூன்று

முதிர்வடைந்து
பூச்சந்தைக்கு வந்தாச்சு
விற்பனைதான் நடக்கவில்லை

துணைப்பூக்களைத் தேடுகிறேன்
அவைகளுக்கல்ல
எனக்கு

அவைகளின் நிலைமை?

மரத்தை வச்சவன் தண்ணி ஊத்துவான்.
***

	Tweet

பதிவுகளை இலவசமாக இமெயிலில் பெற